2009-09-02 > Ikasturte berriarekin abiatu berri dugu geure taldea FACEBOOK sare sozialean. Zatoz gurekin bat egitera!

 

2009-07-24 > OPORRETAN gaude. Abuztuaren 24an hasiko gara entseguak egiten, irailaren 12 eta 13an Gironako L'Escala herrian ditugun emanaldietarako.

 

2009-04-13 > Aurtengo BIZKAIKO DANTZARI EGUNA Bermeon izango da, maiatzaren 17an, igandea. Esan gabe doa Ibarra-kaldu osoa hantxe izango dela, bere talde guztiekin, goizeko dantza erakustaldian eta arratsaldeko erromerian parte hartzen.

 

2009-04-13 > Hilaren 26an, Lutxanako Jaiak direla eta, txikiek eta ertainek bertako dantza erakustaldian hartuko dute parte.

 

2009-04-13 > Hilaren 25ean, larunbata, 19:00etan, emanaldi bat egingo dugu Done Bikendiko Clara Campoamor kultura etxean, beste herri batzuetako zenbait talderekin batera, kultura aniztasunari buruzko jardunaldietan.

 

2009/03/21 > Korrika 16 eta 2009ko Euskal Astea direla eta, dantza emanaldi bat izango dugu apirilaren 4an, larunbatean, Ibarra-kaldu eta gonbidaturiko zenbait talderen eskutik. Horretaz gain, aste horretan ekitaldi gehiago izango dira, Beurko-Bagatzako Kultur Bilguneak antolatuta.

 

2009/03/21 > Hilaren 25ean, asteazkenean, Barakaldoko Udal Bandak CD berria aurkeztuko du, Barakaldoko kantu eta doinu zenbaitek osatua. Ibarra-kaldu taldeak ere hartuko du parte, doinuetako batean dantza eginez.

 

2009/02/14 > Otsailak 28, larunbata, Lapurdiko inauteria egingo dugu auzoko kaleetan. Eguerdian desfilea egingo dugu eta arratsaldean, 18:00etan, saio nagusia; bertan taldekide guztiek hartuko dute parte, txikienek eta amek ere bai.

 

2009/02/14 > Otsailak 22, 2009ko inauteriak ospatzeko, Barakaldoko AMAIA, ERREKA-ORTU eta LAGUNTASUNA taldeekin arituko gara, eta gonbidaturik, Sestaoko EUSKO-LORAK izango dugu. Saioa 13:00etan izango da, HERRIKO PLAZAn, baina lehenago hasiko gara dantzan, 12:30ean kalejiran ibili beharko dugu-eta, Done Bikenditik Herriko Plazaraino.

 

2009/01/20 > Honen bidez, OHIKO BATZAR OROKORRERAKO deia egiten dugu, 2009ko otsailaren 15ean egingo dugu, lehenengo deialdiarekin 12:00etan, eta bigarrenarekin 12:30ean. Gogoan izan 2008ko sariak ordaintzeko epea batzar egunean amaitzen dela.

 

2009/01/14 > Laster izango dugu Agate Deuna kantatzeko sasoia eta prestatu egin beharko horretarako. Urtarrilaren 23an eta 30ean bilduko gara praktikatzera, 19:30ean, Ibarra-Kaldu elkartearen egoitzan. Eta, urtero bezala, otsailaren 4an, asteazkenean irtengo gara kalez kale kantatzen, 19:30ean. Hator gurekin kantatzera!


2009/01/14 > Datorren igandean, urtarrilak 18, Ibarra-Kalduko txikienak San Bizenten izango dira, bertako jaietako dantza erakustaldian parte hartzen. Emanaldia 13:00etan izango da.

 

2008/12/15 > Gabonak badatoz eta, urtero bezala, abenduak 24, arratsaldean, Olentzarorekin ibiliko gara auzoan, kalez kale kantatzen. Erne ibili, entsaioren batzuk egingo ditugu eta. Auzokide guztiok zaudete parte hartzera gonbidatuta.

 

2008/12/15 > Eskerrik asko dantzari eta musikari guztioi, HERRIEN ARTEKO XII. FOLKLORE JAIALDIAn egin duzuen lanagatik, baita bisitatu gintuzten talde biei ere. Eta, jakina, eskerrik asko ikusle guztiei, harrera onarengatik eta txalo beroengatik. Pozez beterik gaude egin genuen guztia hain gogoko hartu izanaz. Datorren urtean, gutxienez ahalegin eta gogo berberarekin ekingo diogu lanari: zin dagizuegu!

 

2008/11/01: Auzoko jaien ostean, hurrengo egitekoan ditugu jarrita begiak: HERRIEN ARTEKO XII. FOLKLORE JAIALDIA. Abenduaren 5etik 7ra bitartean izango da, eta hitz ematen dugu sekulako ahaleginak egingo ditugula guztiok gogotik goza dezagun aurtengo jaialdia.

 

2008/10/13: Asteazkenean hasiko dira Beurko-Bagatzako jaiak. Ekitaldi ugari dago eta Ibarra-Kaldu askotan hartuko du parte, eta azpimarratzekoa, jaiak ixteko gure dantza emanaldia, igandean, urriak 19, 18:30ean. Egunero izago gaituzu zure zain, asteazkenetik igandera bitartean. Ez galdu jaiak, gero! 

 

Uztailak 18, ostirala: Barakaldoko Jaiak: Nagusien taldearen emanaldia, AMAIA taldearekin batera, Herriko Plazan, 20:00etan.